DONGÉNG SUNDA: VARIASI JEUNG VÉRSI CARITA TINA LISAN KANA TULIS

Dongéng mangrupa bagian tina kabeungharan sastra jeung budaya Sunda. Jaman baheula dongéng dipikawanoh minangka warisan anu sumebar sacara lisan, tatapi kiwari réa kapaluruh dongéng dina wangun tinulis, malah teu saeutik anu ditransformasi kana pidangan séjén saperti film, pagelaran seni, lagu, jrrd. Ayana parobahan wujud dongéng tina lisan kana tulis ogé média séjén, ngabalukarkeun ayana variasi jeung vérsi carita dina dongéng. Ieu buku ngabaladah kabeungharan tradisi dongéng Sunda nu asalna dipikawanoh dina wangun lisan, kiwari kana wangun tulis ogé wujud transformasina. Dina ieu buku ogé dipedar tilu warna dongéng Sunda, nyaéta fabél (“Sakadang Kuya jeung Sakadang Monyét”), parabél (“Si Kabayan”), jeung sasakala (“Gunung Tangkuban Parahu/Sangkuriang”). Leuwih teleb ngeunaan variasi ogé vérsi carita katut pernak-pernik dongéng Sunda. Hayu atuh urang baca baé dina ieu buku!